SUMENEP, koranmadura.com – Sabànya’nah 1.226 oréng sé ngiréng Program Kelompok Belajar (Kejar) Paket C (sapadhânah Sekolah Menengah Atas/SMA) é Songenep, ngiréng Ujian Nasional Berbasis Komputer (UNBK) sé é lampani neng 54 lembaga Pusat Kegiatan Belajar Masyarakat (PKBM) é Songenep, minangka palaksana épon.
Bupati Sumenep, A. Busyro Karim, kasokan ngoladhi UNBK sé bâdâ é Kacamatan Ganding sareng Lenteng leres é dhina pongkasan, Senin 15 April 2019
“Pasténa, palaksanaan ujian kaangghuy program kejar paket C kalampan kalabân lancar, saé sé bâdâ e polo otabâ é wilayah dhârât. Mala, adhasar panotoran tim, sé hadir dàpa’ 98 persen,” dhâbuna Bupati, é nalékana ngoladhi UNBK é Kacamatan Ganding.
Bupati ngasokani, masyarakat épon sé ta’ ngalakoni asakola, kaagghuy aghunaaghi bâdânah Kejar Paket kaangghuy aningkataghi dhârâjhât pendidikan é Songenep.
“Kaulã ngatoraghi rassa sakalangkong dâ masyarakat sé ampon aghunaaghi Kejar Paket kaangghuy néngghiaghi ajhinah abâ’,” dhabuna.
É naléka ngoladhi UNBK, bupati é sarengi Plt Kopala Dinas Pendidikan Songenep, Muhammad Saidi.
Muhammad Saidi ajhârbâaghi, é dâlem alaksanaaghi ujian kejar paket, saé sadhâjâ PKBM ampon padâ ngangghuy komputer.
“PKBM, otamana é polo, kalamun ngaghungi masalah jaringan internet, bisa ajhâlâni ujian offline. Namun, sampé’ dhina pongkasan, alhamdulillah kalampan kalabân lancar tor saé,” dhâbuna. (MADANI/GHAZI/DIK)
